НДШ-ийг нэмсэн шийдвэрт тавьсан Ерөнхийлөгчийн хоригийг УИХ хүлээн авлаа

УИХ-ын чуулганы өнөөдрийн нэгдсэн хуралдаанаар Өргөн нэвтрүүлгийн тухай хуулийг хэлэлцэн баталлаа. Ингэснээр үндэсний контентийг дэмжсэн, танин мэдэхүй, хүүхдэд зориулсан нэвтрүүлгүүдийг илүү олноор үзэгчдэд хүргэх боломж бүрдлээ гэж төсөл санаачлагчид хэлж байна. Дараа нь 2020 оны улсын нэгдсэн төсвийн тухай хуульд тавьсан Монгол Улсын Ерөнхийлөгчийн хоригийг хэлэлцлээ. Ингээд УИХ-ын чуулганы хуралдаанаар НДШ-ийг хоёр хувиар нэмэх хэсэгт тавьсан хоригийг хүлээж авсан юм.  Ерөнхийлөгчийн хоригийн гуравдугаар зүйлийг хүлээж авсан учраас 2020 оны төсвийн тухай хуульд УИХ яаралтай хуульд өөрчлөлт оруулахаар болж, гишүүн Б.Жавхлангаар ахлуулсан ажлын хэсэг байгуулахаар боллоо.