Осгоод зүрх нь зургаан цаг 30 минутын турш зүрх нь зогссон 34 настай британи эмэгтэй эргэн сэргэсэн маш ховор тохиолдол энэ сарын 03-нд Испанид болжээ. 
Одри Шоемэн гэдэг эмэгтэй нөхрийн хамт ууланд алхаж яваад цасан шуурганд боогдож аврагч тэднийг олох үед бие нь 18 хэмийн л дулаантай, амьд гэх шинж тэмдэггүй болсон байжээ. Нөхрийнх нь ярьснаар, эхнэрийнх нь судас цохилохгүй, амьсгалахгүй байсан байна.
Эмэгтэйг сэхээн амьдруулахын тулд эмч нар экстракорпораль мембраны хүчилтөрөгчийн систем ашигласан бөгөөд түүний тусламжтайгаар зүрхний үйл ажиллагааг нь сэргээж чадсан байна. Мэшийн хуруу нь мэдээгүй болсноос бусдаар мэдрэлийн тогтолцоонд өөр хүндрэлүүд гараагүй нь эмч нарыг гайхшруулжээ. Аврагчид орон нутгийн цагаар 03.40 цагт эмэгтэй дээр очиж 05.44 цагт эмнэлэгт хүргэсэн бөгөөд энэ үед бүсгүйн зүрх ажиллагаагүй болж, бөөр, уушиг нь ч ажиллахгүй болсон байв. Ингээд эмч нарын уйгагүй хичээл зүтгэлийн ачаар 09.46 минутад бүсгүйн зүрх эргэн цохилж эхэлжээ.
Зүрх нь ийм удаан хугацаагаар зогссон өвчтөнийг сэхээн амьдруулсан хосгүй тохиолдол Испанид анх удаа тохиолдлоо гэж эмч Эдуард Аргудо хэлэв.
