Мөрийтэй тоглосон нь нотлогдсон хоёр албан тушаалтныг ажлаас нь халжээ

Засгийн газрын өнөөдрийн хуралдаанаас гурван албан тушаалтныг ажлаас нь чөлөөлжээ. Гаалийн ерөнхий газрын дэд дарга Ё.Бат-Эрдэнэ казино тоглосон нь тогтоогдсон, МИАТ ТӨХК-ийн Сөүл дэх төлөөлөгчийн газрын ажилтан С.Баатарцогт мөрийтэй тоглож, энэ төрлийн үйлчилгээний газраар үйлчлүүлж байгаа нь батлагдсан учраас үүрэгт ажлаас нь чөлөөлж хууль хяналтын байгууллагад шалгуулахаар шилжүүлсэн байна. Түүнчлэн ХХААХҮЯ-ны төрийн нарийн бичгийн дарга Д.Энхбатыг үүрэгт ажлаас нь чөлөөлөхөөр шийдвэрлэжээ. Түүнийг АТГ болон шүүхийн шийдвэртэй учраас яамны ажил гацаахгүй гэдэг шалтгаанаар чөлөөлжээ.