УИХ-ын гишүүн асан З.Баянсэлэнгийг 461-р хорин ангид цагдан хорьжээ. Түүнийг шүүх ажиллагаанд саад учруулсан гэх үндэслэлээр нэг сарын хугацаатай цагдан хорихоор болсон байна. З.Баянсэлэнгэ Барилга, хот байгуулалтын сайдаар ажиллаж байхдаа албан тушаалаа урвуулан ашигласан гэх үндэслэлээр хэрэг үүсгээд байсан юм.
З.Баянсэлэнгийг “Бэрэн групп” ХХК-ийн барьсан “Хангай” хотхоноос 123 айлын орон сууцыг тендер зарлалгүйгээр худалдан авч, улсын төсөвт 972.4 сая төгрөгийн хохирол учруулсан байж болзошгүй гэх хэргийг хуулийн байгууллагаас гурван жил гаруйн хугацаанд шалгагдаж байгаа юм. Шүүх түүнийг дараагийн шүүх хурал хүртэл тодорхой шалтгааны улмаас цагдан хорих шийдвэр гаргажээ.
