Улаанбаатар-Дархан чиглэлийн 204.11 км авто замыг Азийн хөгжлийн банкны “Бүс нутгийн авто зам хөгжүүлэх, засвар арчлалтын төсөл”-ийн хүрээнд шинэчилж байгаа. Албаын хүмүүсийн мэдээлснээр энэ замыг тус бүр нь хоёр урсгалтай дөрвөн эгнээ болгох учиртай. Замын шинэчлэлийг 6 багц болгон гүйцэтгэгч компаниудыг шалгаруулсан бөгөөд энэ оны 11-р сар гэхэд хөдөлгөөнийг нээнэ гэж мэдээлсэн. Ерөнхий сайд У.Хүрэлсүх замын ажилтай биечлэн танилцаж, ачаалал ихтэйг харгалзаж ажлаа хугацаанд нь дуусгахыг салбарын сайд, холбогдох хүмүүст үүрэг болгож байлаа.
Харамсалтай нь нийслэлээс баруун тийш чиглэсэн гол ачааллыг авдаг Дарханы замын хөдөлгөөнийг 11-р сард нээх боломжгүй болжээ. Замын 2, 4-р багцыг хариуцаж авсан компаниуд ажлаа хугацаандаа гүйцэтгээгүй учраас хүндрэл үүссэн гэдгийг Зам, тээврийн хөгжлийн сайд Б.Энх-Амгалан хүлээн зөвшөөрсөн байна. Тэрбээр гүйцэтгэгч аж ахуйн нэгжүүдийг солих талаар Азийн хөгжлийн банкинд ханджээ. Гэхдээ бурууг дан ганц компаниуд руу чихээд уснаас хуурай гарахыг санаархаж байгаа Зам, тээврийн хөгжлийн сайд Б.Энх-Амгалан ч хариуцлага хүлээх нь шударга ёсонд нийцнэ. Ерөнхий сайд өөрөө очоод хугацаанд нь нээгээрэй гэсэн үүргийг салбарын салбарын сайд биелүүлж чадсангүй.
