Гэмт хэргийн сэжигтнийг Хятадад шилжүүлэн өгөх хуулийн төслийг эсэргүүцэн эхэлсэн Хонгконгийн эсэргүүцлийн жагсаал гурван сар гаруй үргэлжилж байна. Тэгвэл энэхүү удаан үргэлжилсэн жагсаал тэмцэл Хонконгийн аялал жуулчлал болон бизнесийн салбарынханд нэлээд хүндээр тусч байгаа ажээ. Тодруулбал, зургадугаар сараас хойш худалдааны зах зээл 25 хувиар унаж, жуулчдын тоо 30 гаруй хувь буурч үүнийгээ дагаад зочид буудлууд үнээ 50-70 орчим хувь буулгаад байна. Мөн томоохон дэлгүүрүүд үнээ урд байгаагүйгээр буулгаж эхэлжээ. Долоо, наймдугаар сард ирэхээр төлөвлөсөн байсан жуулчдын бараг тал хувь нь төлөвлөгөөгөө өөрчилж, аялалаа цуцалсан байна.
Диснейлэнд гэх мэт дараалал ихтэй байдаг байсан үзвэр үйлчилгээний газрууд хүн цөөтэй болж, зарим компаниуд орон тоогоо цөөлж байгаа аж.
Жижиглэн худалдаа 2018 онтой харьцуулахад багадаа 10 хувьдаа буурна гэж эдийн засагчид тооцоолжээ.
