Засгийн газрын үйл ажиллагааг нийтэд сурталчлан таниулах нээлттэй өдөрлөг 2019 оны 09 дүгээр сарын 16-27-ны өдөр Д.Сүхбаатарын талбайд болж буй. Энэ дагуу Эрүүл мэндийн яамны нээлттэй хаалганы өдөр өнөөдөр төв талбайд болж байна. Эрүүл мэндийн яамны хаьяа байгууллага агентлагууд нээлттэй хаалганы өдөрлөгт оролцож буй бөгөөд төрөлжсөн мэргэшлийн эмчийн үзлэг, оношилгоо, эх, хүүхдийн эрүүл мэндийн тусламж, үйлчилгээ, хүүхдийн хараа, чих, хамар, хоолой зэрэг үзлэгийг хийж байгаа юм. Мөн хэрэв та эрүүл мэндийн даатгалаа төлж амжаагүй бол өдөрлөгт очиж даатгалаа төлөх боломжтой. Эрүүл мэндийн даатгалын хураамжаа төлөх банк ч нэг дороо байрласан байв. Мөн эрүүл эндийн даатгалын сангаас олгодог хөнгөлөлтэй үнийн эмээ ч авах боломжтой ажээ. Өдөрлөг 16 цаг хүртэл үргэлжилнэ.
