Эверестийн оргилд гарахаар маш олон хүн урт дараалал үүсгэснийг харуулсан гэрэл зургууд сүлжээнүүдээр тарж урт дарааллааас болж10 хүн амиа алдсан талаар хэвлэл мэдээллийн хэрэгслүүд мэдээлсэн. Мөн Эверестийн ууланд амиа алдагсдын тоо нэмэгдсэн нь ууланд авирч буй хүмүүсийн тоо олон болсонтой холбоотой гэж зарим эх сурвалж мэдээлсэн юм. Тэгвэл уг мэдээллийг Балба улсын Аялал жуулчлалын удирдах газрын дарга Данду Радт Гимир няцааж энэ хавар Эверестэд 381 хүн авирсан боловч таатай цаг агаар богино хугацаагаар үргэлжилсэн нь хүмүүс амиа алдахад нөлөөлсөн гэж тайлбарлалаа. Мөн тэрбээр 10 биш найман хүн амиа алдсаныг онцлов. Тэдгээр найман хүний гурав нь сураггүй алга болсон гэнэ.
Аялал жуулчлалын удирдах газрын дарга амиа алдсан хүмүүсийн ар гэрийнхэнд гүнээ эмгэнэл илэрхийлээд, сураггүй болсон хүмүүсийн төлөө залбирах болно хэмээн хэлжээ.
