Хятадын Сангийн орлогч сайд асан Жан Шаочуныг авлигын хэрэгт гэм буруутайг гэж Бээжин хотын дунд зэрэглэлийн хоёрдугаар шүүхээс тогтоож 15 жилийн хорих ял оноожээ. Мөн түүний хөрөнгийг төрд хураан авах бөгөөд 6 сая юань буюу 882 мянган ам.доллар орчмын торгууль төлүүлэх юм.
Тэрбээр 1995-2018 оны хооронд төрд алба хаших хугацаандаа гуравдагч этгээдийн ашиг сонирхолд нийцүүлэн албан тушаалаа урвуулан ашиглаж нийт 66.98 сая юань буюу 9.85 сая ам.доллар бүхий хөрөнгө, мөнгийг хууль бусаар олж авсан гэж Хятадын төв телевизээр мэдээллээ.
