Дөрөвдүгээр сарын 01-ны өдөр Гашуунсухайтын боомтоор Монгол улсын иргэн Ө.Э нь 84-73 УБЛ улсын дугаартай норд бенз маркын авто машины чиргүүлд ачсан нүүрсэн доор улсын хилээр гаргахыг хориглосон 45 шуудай бүхий 1350 кг дэрэвгэр жиргэрүү гэх ургамлын үндэсийг нуун гарахыг завдсан хэргийг гаалийн хяналт шалгалтаар илрүүлжээ.
Мөн Замын-Үүд дэх Гаалийн газарт дөрөвдүгээр сарын 29 ний өдөр УБ-Эрээн чиглэлийн суудлын галт тэргэнд зорчин явсан БНХАУ-ын иргэн Л.Ж гар тээшиндээ долоон ширхэг бугын чив, нууж хууль бусаар улсын хилээр нэвтрүүлэхийг завдсаныг илрүүлсэн байна. Дээрх зөрчлийг ЗҮГГ-ын гаалийн шалгалтаар илрүүлж зөрчлийн харъяалал тогтоолгон шалгуулахаар сум дундын прокорт шилжүүлсэн байна.
