Зарим хэвлэл, мэдээллийн хэрэгслээр “МУ-аас ой хээрийн түймэр хил даван ОХУ-н нутаг дэвсгэрт орсон” гэх мэдээлэл гарсан. Тэгвэл энэ нь ташаа мэдээлэл бөгөөд эсрэгээрээ ОХУ-аас хил даван манай улсад ой, хээрийн түймэр орж ирсэн байна. Хэнтий аймгийн Батширээт сумын Онон багийн нутаг “Хашлага ” гол /сумын төвөөс зүүн хойд зүгт 80 км-т/ ОХУ-аас … дугаар тэмдэгтээр ойн түймэр орж ирсэн тухай дуудлагыг 2019.04.22-ны өдрийн 15:13 цагт Хэнтий аймгийн Онцгой байдлын газар хүлээн авсан байна.
Одоогоор түймрийн голомтыг унтраагаагүй байгаа ба түймэрт урьдчилсан байдлаар ойн бүсийн 600 га талбай өртөж шатсан байна. Түймрийг унтраахаар Хэнтий аймгийн онцгой байдлын газрын ОБГ-25 алба хаагч, Биндэр сумын 37 иргэн, Батширээт сум-16 иргэн, ХЦ-ийн 0287 ангиаас 16 албан хаагч, ХХТХГ-6 ажилтан, ҮАБ-аас 20 албан хаагч, нийт 120 хүн 5 автомашинтай ажиллаж байна. Мөн түймрийн голомт руу ОБГ-аас 3 бүлгийн 36 албан хаагч, 4 автомашинтай очиж үүрэг гүйцэтгэж байгаа ажээ.
