Дэлхий дээрх сонин хачин зүйлсийг алийг тэр гэх вэ. Японд саяхан “Unko” буюу японоор “Баас” нэртэй этгээд музей нээгджээ. Токиогоос 40 км-ийн зайтай, Ёкохама хотод байрлах энэ музейг нээгдсэнээс нь хойш 10 мянган орчим хүн үзжээ.
Энд тод, тод өнгийн баасны дүстэй сувенирүүд байх бөгөөд сандалны оронд жорлонгийн суултуурууд байна. Баасны дүрстэй чихэр, элдэв амттан, ундаа амталж болохоос гадна мөн л тийм сэдэвтэй тоглоом тоглож, микрофоноор “Unko” гэх үгийг орилж болно.
Энэ бол музей гэхээсээ илүү, энтертайнмэнт. Дэлхий дээрх хамгийн анхных гэдгээрээ онцлогтой гэж “Unko”-ын менежер CNN-д ярьжээ.
Энд чөлөөтэй зураг, бичлэг хийж, түүнийгээ сошл ертөнцөд байршуулахыг зөвшөөрдөг бөгөөд инстаграммаас тус музейтэй холбоотой зураг мэдээллүүд дүүрэн олдоно.
“Unko”-д орж үзэхэд том хүн 16$, хүүхэд 9$ төлөх юм байна.
