Ус цаг уурын хүрээлэнгээс гаргасан тав хоногийн урьдчилсан мэдээгээр ирэх баасан буюу 03 дугаар сарын 08 хүртэлх өдрүүд тогтуун, хур тунадасгүй, дулаахан үргэлжлэх нь ээ. Харин энэ долоо хоногийн сүүл, ирэх долоо хоногийн эхээр цаг агаар бага зэрэг сэрүүсэх төлөвтэй байгаа аж.
7-нд нутгийн хойд хэсгээр, 8, 9-нд зарим газраар, 10-нд нутгийн зүүн хэсгээр бага зэргийн цас орно. Салхи 7, 10-нд зарим газраар 12-14 м/с хүрч ширүүснэ. Бусад хугацаанд 5-10 м/с. Агаарын температур Дархадын хотгороор шөнөдөө 20-25 градус, өдөртөө 5-10 градус, Хангай, Хөвсгөл, Хэнтэйн уулархаг нутаг, Орхон-Туулын бэлчир, Эг-Үүр, Туул, Тэрэлж голын хөндийгөөр шөнөдөө 14-19 градус хүйтэн, өдөртөө 3 градус дулаанаас 2 градус хүйтэн, бусад нутгаар шөнөдөө 9-14 градус хүйтэн, өдөртөө 1-6 градус дулаан байна. 8, 10-нд бага зэрэг хүйтрэх юм байна.
