Олны танил жүжигчид болон мөнгөтэй хүмүүс залуу насаа хадгалах үүднээс залуу цусыг өөртөө хийлгэх тохиолдол АНУ-д бишгүй бий. Энэ чиглэлээр дагнаж ажилладаг, залуу цус нь залуу төрхөөс гадна паркинсоны өвчин, алцгеймер, сэтгэцийн олдтол өвчин, судасны хатуурал зэрэг өвчнөөс аварна гэсэн утгатай сурталчилгаа явуулдаг эмнэлгүүд бий. Тэгвэл АНУ-ын Хүнс болон эмийн зохицуулалтын газраас өндөр өртөгтэй залуу төрх, сэргэг залуу оюун ухааны чадамж зэргийг амладаг энэ үйлчилгээг хийлгэхгүй байхыг хүмүүст анхааруулжээ. Залуу цус сэлбүүлснээр залуу байна гэдэг баталгаа байхгүй, харин ч аюултай гэдгийг сануулжээ. Цус сэлбүүлэх үедээ халдвар авах, харшил, амьсгалын замын болон зүрх судасны системийн өвчлөлтэй болох эрсдэлтэйг анхаарууллаа.
Аливаа зүйлийг тунгааж нарийн боддоггүй ухвар мөчид жүжигчдийн ятгалгад автаж өндөр үнэтэй, баталгаатай биш ийм эмчилгээнд орохыг байхыг АНУ-ын Хүнс болон эмийн зохицуулалтын газрын анхааруулгад дурджээ. Гэхдээ хэн нэгэн жүжигчний нэрийг онцлон дурдаагүй бөгөөд мэдэгдлээс хойш зарим эмнэлэг сурталчилгаагаа хааж эхэлсэн байна.
Ийм үйлчилгээ 8000 ам долларын үнэтэй байдаг ажээ.
