Саудын Арабын эрх баригчдын явуулж буй бодлогыг шүүмжилдгээрээ алдартай сэтгүүлч Жамаль Хашкажи учир битүүлгээр алга болсноос хойш 20 гаруй хоног өнгөрөөд байна. Түүний үхэлтэй холбогдуулан Саудын Арабын зүгээс 18 хүнийг шалгаж буйгаа мэдэгдээд энэ нь зохион байгуулалттай биш санамсаргүй хэрэг болсон хэмээгээд буй. Тэгвэл талийгаач сэтгүүлчийн хүү ууган хүүн Саудын Арабыг орхин АНУ-д ирсэн талаар гэр бүлийнх нь дотны эх сурвалжаас CNN-д мэдээлжээ. Түүнтэй Саудын Арабын хаан болон хун тайж нар өнгөрсөн баасан гарагт уулзаж ярилцсан юм.
АНУ-ын Ерөнхийлөгч Дональд Трамп өнгөрсөн пүрэв гарагт сэтгүүлчдэд өгсөн мэдээлэлдээ Саудын Араб санаанд багтамгүй зэрлэг балмад хэрэг өдүүлсэн хэмээгээд энэ хэрэгт Саудын Арабын хун тайж хариуцлага хүлээх ёстой гэсэн байр сууриа илэрхийлсэн билээ.
