Австралид гүзээлзгэнээс оёдлын зүү гарсан сонин үйл явдлаас хойш тус улсын гүзээлзгэнийг худалдан авахаас хөрш улсууд татгалзах болсон.Тэгвэл Австралийн гүзээлзгэнийн хамгийн том худалдан авагч зах зээл нь болох Шинэ Зеландын сүлжээ дэлгүүрүүд Австралийн гүзээлзгэнийг борлуулахаас татгалзаж өмнө нь татсан байсан бүтээгдэхүүнүүдээ лангуунаас буцаан татжээ. Одоогоор Шинэ зеландад “зүү”-тэй гүзээлзгэнийн тохиолдол илрээгүй ч энэ хэрэг шийдэгдтэл тус улс Австралиас гүзээлгэнэ импортлохгүй байхаар шийдсэн байна. Одоогоор “зүү”-тэй гүзээлзгэнэ Австралийн зургаан газарт 100 орчим удаагийн тохиолдлоор гарч ирээд байгаа аж.
“Энэ бол тоглоом биш. Чи Австралийн ажилч хичээнгүй ард иргэдийн амьжиргааг эрсдэлд оруулж, хүүхдүүдийг айлгаж байна. Энэ тэнэг үйлдэлд чинь тохирох шийтгэлийг заавал ногдуулах болно ” хэмээн тус улсын ерөнхий сайд Скот Моррисон хэлсэн байна. Тус улсын Засгийн газар энэ хэрэг дээр олон улсын мөрдлөг явуулахаар болсон бөгөөд Күинсланд мужийн захиргаанаас хэргийн тухай баримтыг 100 мянган австрали доллараар худалдан авахаар зарлаад байгаа юм.
