Д.Гантулгын тойрогт 10-р сард нөхөн сонгууль явуулахаар товлолоо

Хэнтий нутгаас УИХ-д сонгогдсон Д.Гантулга өөрийн хүсэлтээр УИХ-ын гишүүнээсээ чөлөөлөгдөөд удаагүй байна. Тэрбээр хүчингийн хэрэгт нэр холбогдсон учраас хууль хяналтын байгууллагаар жирийн иргэний хувиар шалгуулж, үнэнийг тогтоолгох хүсэлтэй учраас УИХ-ын гишүүний бүрэн эрхээсээ чөлөөлөгдөх хүсэлтээ гаргасан гэж тайлбарлаж байв. 2016 оны сонгуулиар түүний сонгогдсон УИХ-ын 42 дугаар тойрогт нөхөн сонгууль явуулах өдрийг аравдугаар сарын 7-ны өдөр явуулахаар тогтов. Сонгуульд нийт 228 сая төгрөг төсөвлөжээ.