Дэлхийн эрүүл мэндийн байгууллага саяхан олон улсын өвчний ангиллыг /ICD-11/ шинэчлэн гаргахдаа донтох шинж тэмдэг бүхий өвчлөлүүдийн жагсаалтад видео тоглоомонд донтох эмгэгийг оруулжээ. Өдөр тутмын бүхий л амьдрал, сонирхол зэргээсээ тоглоомыг дээгүүр тавьж, өөрийгөө хянах, нөхцөл байдлыг ойлгох чадараа алдан сөрөг үр дагавар гарсаар атал үргэлжлүүлэн тоглосоор байхыг, энэ бүхэн нь 12 сараас доошгүй хугацаанд үргэлжлэхийг тоглоомонд донтох өвчний шинж тэмдэг гэж үзжээ. лсын өвчлөлийн ангилал буюу ICD-11 гэх энэ баримт бичгийг 2019 оны тавдугаар сард эцэслэн батлах юм бөгөөд энэ хүртэлх хугацаанд улс орнууд тоглоомонд донтох өвчний талаар хууль дүрэм, баримт бичиг гаргах хэрэгтэй гэж Дэлхийн эрүүл мэндийн байгууллага үзэж байгаа ажээ.
Гэвч видео тоглоомонд донтох эмгэгийг мөрийтэй тоглоомтой адилтган өвчний жагсаалтад оруулсаны эсрэг байр суурьтай талууд ч бас байгаа юм. Дэлхийн эрүүл мэндийн байгууллага хөнгөн хуумгай хандаж нарийн судалгаагүйгээр олон улсын өвчний жагсаалтад энэ эмгэгийг орууллаа гэж тэд шүүмжилж байгаа юм.
