Засгийн газрын ээлжит хуралдаан өнөөдөр /2018.3.27 / 13.00 цагт боллоо. Засгийн газрын өнөөдрийн хуралдаанаар 2018 оны зургаадугаар сарын 1 хүртэл бүх аймаг сумдад хурдан морины уралдаан зохион байгуулахыг хориглосон ЗГ-ын тогтоол гаргажээ. Учир нь малын гоц халдварт өвчин ихээр тархаж байгаа, мөн “Дүнжингарав” уралдааныг зохион байгуулахдаа хангалтгүй ажиллаж олон хүүхэд гэмтээсэн зэрэг олон шалтгааны улмаас ийнхүү хориглосон байна.
Уг тогтоолыг зөрчсөн бүх албан тушаалтан болон иргэдэд хатуу хариуцлага тооцохыг Шадар сайд Ө.Энхтүвшинд даалгасан байна.
