Монгол Улсын Ерөнхийлөгчийн сонгууль болоход сар гаруйхны хугацаа үлдээд байна. Намуудаас нэр дэвшигчид тодорч, сонгуулийн төв байгууллагад бичиг баримтаа өгч өрсөлдөх эрхтэй болчихоод байгаа билээ. Харин энэ долоо хоногт тэдний эрх баталгаажсанаар сонгуулийн хандивын данс, сурталчилгааны ажил нь эхлэх болно. Мөн намуудаас нэр дэвшигчид сонгуулийн штабуудаа ч байгуулаад эхэллээ. Сонгуулийн ажлыг нь хэн хэрхэн удирдах бол гэсэн таамаглалууд ч гүйж байгаа.
Тэгвэл АН-аас нэр дэвшигч Х.Баттулгын сонгуулийн штабыг намын дарга нь удирдан зохион байгуулж, ялалт байгуулахад нь тус дэм болох болов уу гэсэн яриа байсан ч энэ нь үгүйсгэгдлээ. Тодруулбал, С.Эрдэнэ гардан зохион байгуулахгүй бөгөөд нэр дэвшигчийн штабыг УИХ-ын дэд дарга Я.Санжмятав даргалан ажиллахаар болжээ.
