Дэлхийд анх удаа АНУ-ын эрдэмтэд хиймэл 3D өндгөвч бүтээж, үүнийгээ хулганад суулгасан нь амжилттай болжээ. Өөрөөр хэлбэл хулганад суулгасан хиймэл 3D өнгөвч үүргээ амжилттай биелүүлж, эм хулгана өндгөн эс боловсруулж улмаар үр тогтоож, эрүүл зулзага төрүүлж чаджээ.
Хэдийгээр энэ нь одоогоор зөвхөн амьтан дээр туршигдсан хэдий ч эрдэмтэд алсдаа энэ туршилт үргүйдэлтэй олон эмэгтэйд тус болно гэж иргэж байгаа ажээ. Ялангуяа хорт хавдраас шалтгаалан химийн эмчилгээ хийлгэж өндгөвч нь ажиллагаагүй болсон эмэгтэйчүүдэд энэ нээлт тусална гэдэгт тэд итгэлтэй байна. Энэ талаар Илинойз дахь Northwestern их сургуулийн Эмэгтэйчүүдийн эрүүл мэндийн шинжлэх ухааны институтийн эмч доктор Teresa Woodruff : Энэ бол хорт хавдрын эмчилгээ хийлгэснээр нөхөн үржихүйн эрхтэнээ тайруулсан залуу бүсгүйчүүдэд туслах маш чухал нээлт гэж дүгнэсэн байна. Эрдэмтэд 3D хиймэл өндгөвчийг булчин, шөрмөс, яс, арьс гэх мэт натурал зүйлсээс гаргаж авсан коллаген, шингэн желатинаар бүтээжээ.
Эх сурвалж: http://www.telegraph.co.uk/
