UNCCD COP17-гийн хүрээнд “Ойн нөхөрлөлүүдийн тогтвортой менежмент, туршлага солилцох хэлэлцүүлэг” амжилттай зохион байгуулагдлаа. Хэлэлцүүлгийн үеэр ойн нөхөрлөлүүдийн ой хамгаалал, нөхөн сэргээлт, ойн дагалт баялгийг зохистой ашиглах, мод болон модон бүтээгдэхүүн үйлдвэрлэх, мөн “Тэрбум мод” үндэсний хөдөлгөөнд ойн нөхөрлөлүүдийн оролцоог нэмэгдүүлэх чиглэлээр сайн туршлага, тулгамдсан асуудал, цаашдын хамтын ажиллагааны боломжуудыг хэлэлцлээ.
Мөн Ногоон бүсийн C17 павильонд ойн нөхөрлөлүүдийн бүтээлийн үзэсгэлэн зохион байгуулагдаж, гар урлал, модон бүтээгдэхүүн, зөгийн бал, ургамлын цай, эмийн ургамал, тарьц суулгац зэрэг олон төрлийн бүтээгдэхүүнийг танилцуулсан юм.
Энэхүү арга хэмжээ нь ойг хамгаалах, тогтвортой ашиглах, орон нутгийн иргэдийн оролцоо, орлогыг нэмэгдүүлэх чиглэлээр ойн нөхөрлөлүүдийн хамтын ажиллагааг бэхжүүлэхэд чухал ач холбогдолтой боллоо.
