АНУ-ын Корнеллийн их сургуулийн эрдэмтэд эрэгтэйчүүдэд зориулсан жирэмслэлтээс хамгаалах шинэ төрлийн тарилгыг амжилттай бүтээжээ. Энэхүү тарилга нь эр бэлгийн эсийн үйлдвэрлэлийг хоёр жил хүртэлх хугацаанд түр хугацаагаар зогсоох ажээ. Мөн хүссэн үедээ эмчилгээ хийлгэн нөхөн сэргээж, үр тогтоох чадварыг дахин хэвийн болгох боломжтой гэж үзэж байна.
Судлаачдын мэдээлснээр уг арга нь дааврын тэнцвэрт байдалд аль болох бага нөлөө үзүүлэхийг зорьсон бөгөөд одоогоор аюулгүй байдал, үр нөлөөг нь баталгаажуулах зорилгоор эмнэлзүйн туршилтууд үргэлжилж байна.
Хэрэв цаашдын судалгааны үр дүн амжилттай гарвал энэхүү тарилга нь эрэгтэйчүүдийн жирэмслэлтээс хамгаалах сонголтыг өргөжүүлж, гэр бүл төлөвлөлтийн хариуцлагыг эмэгтэй, эрэгтэй хүмүүсийн хооронд илүү тэнцвэртэй хуваалцах боломжийг бүрдүүлэх шинэ дэвшил болох юм.
Уг тарилга нь одоогоор өргөн хэрэглээнд нэвтрээгүй бөгөөд албан ёсны зөвшөөрөл авч, зах зээлд гарахаас өмнө нэмэлт судалгаа, туршилт хийж байна
Эрдэмтэд эр бэлгийн эсийг дарангуйлж жирэмснээс хамгаалах тариа бүтээжээ
