Сүүлийн гурван жилийн хугацаанд орон сууцтай холбоотой залилах гэмт хэрэг 1167 бүртгэгдэж, 3000 гаруй иргэн нийт 118.2 тэрбум төгрөгийн хохирсон талаар Цагдаагийн байгууллагаас мэдээллээ.
2024 онд орон сууцтай холбоотой залилангийн 456 хэрэг бүртгэгдэж, 820 иргэн 32.5 тэрбум төгрөгөөр хохирчээ. Харин 2025 онд энэ төрлийн гэмт хэрэг 512 болж өссөн бөгөөд 1145 иргэн 62.8 тэрбум төгрөгийн хохирол амссан байна. Мөн 2026 оны эхний дөрвөн сарын байдлаар орон сууцтай холбоотой 199 залилах гэмт хэрэг бүртгэгдэж, 1348 иргэн 22.9 тэрбум төгрөгөөр хохироод байгаа ажээ.
Цагдаагийн байгууллагын мэдээлснээр, тавдугаар сарын байдлаар 905 иргэн хохирсон, 64.5 тэрбум төгрөгийн хохиролтой хэрэгт 79 иргэн болон 22 хуулийн этгээд холбогдон шалгагдаж байна. Албаныхан иргэдийг орон сууц худалдан авах, захиалахдаа тухайн компанийн үйл ажиллагаа, зөвшөөрөл, гэрээний нөхцөлтэй сайтар танилцаж, урьдчилгаа төлбөр шилжүүлэхээс өмнө мэдээллээ нягтлахыг анхаарууллаа.
