Ардчилсан намын дүрмээр Үндэсний бодлогын хорооны гишүү УИХ-ын сонгуульд нэр дэвших эрхтэй байдаг. Одоогоор ҮБХ-ны гишүүнд нэр дэвшсэн УИХ-ын гишүүдээс Ч.Лодойсамбуу, Д.Жаргалсайхан, С.Одонтуяа, Д.Ганбат, Д.Цогтбаатар, Р.Эрдэнэбүрэн, Ж.Баясгалан, Ц.Мөнхтуяа нар өвдөг шорооджээ.
Тэд 2028 онд УИХ-д нэр дэвших эрхгүй болсон гэсэн үг. Гэхдээ удахгүй болох намын Их хурлаараа дүрмийн өөрчлөлт хийж, УИХ-д нэр дэвших эрхийг нь нээх асуудал хөндөгдөнө. УИХ-ын гишүүн байлаа ч АН-д бол бүгд тэгш эрхтэй гэх үзэл хандлага энэ удаагийн сонгуульд зонхилжээ.
