Он дамнах шөнө Швейцарийн бааранд гарсан гал түймрийн улмаас 40 орчим хүн нас баржээ
Швейцарийн өмнөд хэсгийн Валайс мужийн цагдаа нар 1-р сарын 1-нд тус мужийн Кронмонтана цанын бааз дахь бааранд өглөө эрт гарсан гал түймрийн улмаас 40 орчим хүн нас барж, 115 хүн гэмтсэн бөгөөд олонх нь биеийн байдал хүнд байна гэжээ.
Хохирогчдын зонхилох нь бааранд шинэ жилээ тэмдэглэж буй залуучууд байсан бөгөөд тэдний дунд гадаадын иргэд байв. Тухайн өдрийн үдээс хойш тус мужийн төв Сионд болсон хэвлэлийн бага хурлын үеэр Валайсын цагдаа нар элчин сайдын яамдуудтай холбоо барьсан бөгөөд нэмэлт мэдээлэл гарсан даруйд мэдэгдэл хийнэ гэж мэдэгдэв.
Валайсын прокурор хэвлэлийн бага хурлын үеэр гал түймрийн хэд хэдэн шалтгаан байж болзошгүй, мөрдөн байцаалт хийгдэж буй бөгөөд баривчлагдсэн сэжигтэн байхгүй гэжээ.
Швейцарийн Холбооны Ерөнхийлөгч Г.Палмер “үндэсний уй гашуу”-г илэрхийлэхийн тулд Швейцарийн Холбооны Парламентын байрны далбааг таван өдрийн турш хагас бөхийлгэж, ийм эмгэнэлт явдал дахин гарахаас урьдчилан сэргийлэх ёстой гэж зарлав.
