Хятад орныг танин мэдэх 13 дахь удаагийн соёлын өдрүүд Улаанбаатар хотод болж буй. Соёлын өдрүүдийн хүрээнд “Тэргэл сарны баяр” урлагийн тоглолт СТӨ-нд энэ сарын 16,17-ны өдөр болов. Тоглолтонд БНХАУ, ӨМӨЗО-ны гуч гаран уран бүтээлчид уран бүтээлээ толилуулсан ба дуучин Б.Алтанжаргал Хятад, Монгол хоёр улсын хэлээр дууллаа.
Соёлын арга хэмжээний гол зорилго нь Хятад, Монголын соёлын салбар дахь харилцаа хамтын ажиллагааг гүнзгийрүүлэх, хоёр улсын хүмүүнлэгийн харилцан солилцоог ахиулах, хоёр орны ард түмний харилцан ойлголцол болон найрамдлыг зузаатгах, Хятад Монголын харилцааны шинэ хөгжилд ахиц гаргахад чиглэж байгаа гэж зохион байгуулагчид нь онцлов.
Арга хэмжээг БНХАУ-аас Монгол улсад суугаа элчин сайдын яам, Хятадын ӨМӨЗО-ны ардын засгийн газар, Монгол Улсын Боловсрол Соёл Шинжлэх Ухааны яам, Улаанбаатар хотын захиргаа, Хятадын ӨМӨЗО-ны ардын засгийн газрын хэвлэл мэдээллийн алба, Монгол Улсын засгийн газрын хэрэгжүүлэгч агентлаг соёл урлагийн газар, Улаанбаатар дахь Хятадын соёлын төв хамтран зохион байгууллаа.
.jpg)
