БНХАУ-ын Ханжоу хотод гурван настай хүү орон сууцны 18 давхраас унаж, амьд үлдсэн азтай, гайхалтай хэрэг тохиожээ. Энэ явдал долдугаар сарын 15-нд хүүхдийг өвөө, эмээ нь харж байх үед болсон гэж South China Morning Post мэдээлэв. Хүүг унтаж байна гэж бодоод эмээ өвөө хоёр ажлаа хийхээр байрнаас хаалгаа түгжиж гарсан бөгөөд хүүхэд сэрснийхээ дараа угаалгын өрөөнд орж, бие засах газар руу авирч, хамгаалалтын торгүй, хамгаалалтгүй цонхоор унасан байна. Сонирхолтой нь хүүгийн уналтыг модны мөчрүүд сааруулж амийг нь аварсан байна. . Хүү мөн 17 давхрын онгорхой цонхыг мөргөсөн нь түүний уналтын эрчинд давхар нөлөөлсөн байж магадгүй гэж таамаглаж байна.
Хүүг яаралтай эмнэлэгт хүргэсэн бөгөөд эмч нар түүний амьд үлдсэнийг “гайхамшиг” гэжээ. Тэрээр гар нь хугарч, нуруу нугасны ачаалал, дотуур гэмтэл авсан ч тархины гэмтэлгүй, унасны дараа ч ухаантай байжээ. Хүүгийнхээ амийг аварсан модыг хүндэтгэж аав нь улаан цэцгээр чимэглэжээ.
