Монголын хүүхдийн спортын зуны VIII наадам маргааш албан ёсоор эхлэх бөгөөд өнөөдөр зарим спортын төрөлд өрсөлдөөн өрнөж байна.
Спортын төв ордон болон Чингэлтэй дүүргийн Спортын ордон гэсэн хоёр газар наадмын сагсан бөмбөгийн тэмцээнд охидын ангилалд 20, хөвгүүдийн ангилалд 26 баг өрсөлдөж байна.
Тус наадмын сагсан бөмбөгийн өнгөрсөн жилийн тэмцээнд охидын ангилалд Баянгол дүүрэг, хөвгүүдэд Сүхбаатар аймгийн баг түрүүлж байв. Тэмцээний аваргууд ирэх сарын 1-нд тодрох юм.
