“Prada” пүрэв гарагт Versace-г худалдан авлаа. Тодруулбал, “Prada”-ийн эзэд 1.375 тэрбум долларын гэрээ байгуулж, Италийн загварын хоёр том брэндийг нэгтгэх, нэг удирдлагатай болгох алхам хийв.
Хэдий тансаг хнрэглээний эрэлт жилээс жилд буурч буй ч “Prada” өргөжин тэлж амжилттай ажиллаж буй бол “Versace” сүүлийн хэдэн улиралд алдагдалтай ажиллаж байсан юм.
Энэхүү нэгдэл нь Францын конгломератуудын тэргүүлдэг тансаг зэрэглэлийн салбарт Италийн нөлөөг бэхжүүлж байгаагаараа онцлог гэж болно.
Бид “Versace”-ийн уламжлалт хэв шинж, онцлогийг үргэлжлүүлнэ. Мөн тус брэндийг хөрөнгө оруулалтаар бэхжүүлж, урт хугацааны харилцаанд үндэслэсэн хүчирхэг платформоор хангах болно” гэж Прадагийн захирал Патризио Бертелли хэлжээ.
Долоон жилийн өмнө гэр бүлийн бизнесээ зарсан Донателла Версаче энэ шинэ түншлэлийг өндрөөр үнэлж буйгаа хэлээд “Prada”-ын эзад болох Миучиа, Патризио болон тэдний гэр бүлийг би үргэлж биширдэг байсан” гэжээ. “Би Италийн ийм найдвартай гэр бүлийн бизнесийн гарт брэнд маань орсонд баяртай байна. Би чадах чинээгээрээ дэмжихэд бэлэн байна” гэж тэр нэмж хэлэв.
