хандивлагч дэлхийн 120 улсаас 8 дугаарт, Эмэгтэй цэргийн алба хаагчийн оролцоогоор 16 дугаарт, Зүүн хойд Азийн улс орнуудаас 1 дүгээрт эрэмбэлэгдэж байгаа талаар Батлан хамгаалахын сайд С.Бямбацогт тодотгов. Тэрээр Бүгд Найрамдах Өмнөд Судан Улсад явагдаж байгаа НҮБ-ын энхийг сахиулах ажиллагаанд Монгол Улсаа төлөөлөн оролцох эрхэм хүндтэй бөгөөд хариуцлагатай үүрэг хүлээсэн Монгол Улсын Зэвсэгт хүчний 14 дүгээр ээлжийн цэргийн багийн бие бүрэлдэхүүн Монгол цэргийн оройн дээд сүлд Жанжин тугандаа хүндэтгэл үзүүлэх арга хэмжээний үеэр дээрх үгийг хэлсэн юм.
Өнгөрсөн 22 жилийн хугацаанд Энхийг дэмжих ажиллагаанд Монгол Улсаа төлөөлөн оролцсон 22 мянга гаруй алба хаагчдын нөр их хөдөлмөр, зүтгэлийн үр ачаар “МОНГОЛ ЦЭРЭГ-ДЭЛХИЙН ЦЭРЭГ” гэсэн нэрийн хуудсыг бий болгож чадсан болохыг тэмдэглээд, цаашид батлан хамгаалах салбарт “Хүртээмжтэй төсөв-Тогтвортой өсөлт” бодлогыг хэрэгжүүлж, энэ хүрээнд ЭНХИЙГ САХИУЛАГЧДЫН ОРОЛЦООГ 3 ДАХИН НЭМЭГДҮҮЛЭХ зорилт дэвшүүлээд байгааг онцлов.
Ийнхүү Монгол Улсаа төлөөлөх энхийг сахиулах ажиллагаанд оролцох бие бүрэлдэхүүн үүргээ биелүүлэхээр алс холын Африк тивийн зүг хүлгийн жолоо залахад бэлэн боллоо.
