НИСЭХИЙН аюулгүйн тойргийн ТЭЗҮ, зураг төсвийн ажил дуусаж ГҮЙЦЭТГЭГЧИЙН ТЕНДЕРийг зарлахад бэлэн боллоо. Уг тойргийн ТЭЗҮ, зураг төслийг боловсруулсан “Ангад арвижих” ХХК-ийн захирал Н.Батдэмбэрэл зураг төслийг ХУД-ийн Засаг даргад хүлээлгэн өгөв.
Нисэхийн аюулгүйн тойргийн тендер дээр ямар нэгэн маргаан гарахгүй бол зургадугаар сарын дундуур ажлаа эхлүүлж, ирэх есдүгээр сарын 01-нээс өмнө дөрвөн замын уулзвар болгож гэрлэн дохиотой болгох эхний үе шат дуусна хэмээн Хан-Уул дүүргийн Засаг дарга Ж.АЛДАРЖАВХЛАН энэ үеэр мэдэгдлээ. Мөн үүний дараа олон түвшний уулзвар буюу гүүр тавих ажлыг эхлүүлэх юм байна.
