Яармагт 640 хүүхдийн сургууль ирэх намар үүдээ нээнэ

ХУД-ийн 8 дугаар хороонд 640 хүүхдийн суудалтай шинэ сургууль үүдээ нээж ирэх намраас сурагчдаа хүлээж авах нь ээ. 2022 онд уг  сургуулийн барилгын  ажил эхэлсэн бөгөөд одоогоор барилгын  ажил 50 гаруй хувьтай байгаа юм байна. Тус сургуулийн инженерийн шугам сүлжээний мөнгө шийдэгдээгүйн улмаас ашиглалтад өгөхөд хүндрэл үүсээд байжээ. Харин инженерийн шунам сүлжээний 1.2 тэрбум төгрөгийг ХУД-ийн Засаг дарга Ж.Алдаржавхлан шийдэж өгнө  гэж барилгын ажилтай таницлах үеэр амаллаа. Ингэснээр  ирэх  намар сургууль бүрэн  ашиглалтад орж шинэхэн танхимдаа сурагчид оюундаа шамдах боломжтой болж байгаа юм.