“Чингис хаан” олон улсын нисэх буудлаас 30 орчим кг допингийн төрлийн бодис өнгөрсөн баасан гарагт илрүүлэн хураан авчээ. Бодисыг чемоданд хувцас, уух зүйлийн хамт хийсэн байжээ. Допингийн төрлийн бодисын хувьд уудаг, тарьдаг төрлөөр тээвэрлэж авчирчээ. Анаболик стеройдыг хилээр оруулж ирэх хориотой. Хамгийн сүүлд боксын шигшээ багийн тамирчин Б.Чинзоригоос энэ төрлийн бодис илэрснийг зарлаж, шуугиан дэгдэж байв.
Баасан гарагт, МИАТ ТӨХК-иар ирсэн уг ачааг одоо хуулийн байгууллагынхан шалгаж эхлээд байна. Хориотой бэлдмэлийг тээвэрлэхэд холбогдох онгоцны буудал, эсвэл авиа компанийн ажилтан хамтарсан байж магадгүй ажээ. Энэ хэрэгт үндэсний бөхтэй холбоотой нэр бүхий хүмүүс холбогдсон бололтой.
