Владимир Путин Оросын Ерөнхийлөгчийн сонгуулийн санал хураалт дууссаны дараа болсон хэвлэлийн бага хурал дээр сөрөг хүчний улстөрч Алексей Навальный нас барсантай харамсалтай хэргийн талаар анх удаа ам нээжээ. Тэрээр Навальный нас барсан нь харамсалтай хэрэг байсан ч “амьдралд тохиолддог л зүйл” гэв.
Хэвлэлийн хурлын үеэр АНУ-ын сэтгүүлч:
Эван Гершкович энэ сонгуулийг шоронд өнгөрөөсөн, Украин дахь дайны эсрэг тэмцэгч Борис Надеждиныг тантай өрсөлдөхийг зөвшөөрөөгүй. Алексей Навальный сонгуулийн сурталчилгааны үеэр танай шоронд нас барсан. Та үүнийг ардчилал гэж нэрлээд байна уу?” хэмээн асуусан. Үүнд Путин “Ноён Навальныйгийн хувьд. Тийм ээ, тэр нас барсан. Гунигтай үйл явдал тохиолдсон. Өөр хүмүүс нас барсан тохиолдол ч гарч байсан. АНУ-д ч ийм зүйл болоогүй гэж үү? Надеждиныг нэр дэвшигчээр бүртгээгүй нь бичиг баримт дутуу байснаас болсон” гэж тайлбарлажээ. Харин Эван Гершковичийн хэргийн талаар юу ч хэлээгүй байна.
Мөн Навальныйг нас барахаас өмнө барууны шоронд хоригдож буй хүмүүсээр солилцох саналыг хүлээн авч зөвшөөрсөн байсан гэдгээ онцолсон байна.
