Хөвсгөл аймагт мөсөн дээгүүр зорчиж явсан суудлын автомашин живж, нэг иргэн амиа алдсан харамсалтай хэрэг гарчээ. Тодруулбал, Хөвсгөл аймгийн Бүрэнтогтох сумын Дэлгэрмөрөнд хоёр иргэн автомашинтайгаа живж, нэг нь амиа алджээ. Тухайн дуудлага, мэдээллийг өчигдрийн 09:00 цагт ОБЕГ хүлээн авсан байна.
Улмаар Хөвсгөл аймгийн Онцгой байдлын газрын Эрэн хайх, аврах салбарын алба хаагчдыг очиход иргэн Б/37 настай, эрэгтэй/-ын “Toyota Prius-20” загварын суудлын автомашин эргээс 13 метр зайд жолоочийн хамт живсэн байжээ.Харин иргэн М /45 настай, эрэгтэй, Хөвсгөл аймгийн Бүрэнтогтох сумын харьяат/-ын цогцсыг 12:05 цагт гаргаж, тус аймгийн Цагдаагийн газрын мөрдөн байцаагчид хүлээлгэн өгөөд байна.
Хүйтний эрч суларч, голын мөс цөмрөх эрсдэлтэй байгаа тул иргэд олон нийтийг гол, мөрөн дээгүүр зорчихгүй байхыг анхаарууллаа.
