Хятад үндэстэн хоолны соёлоороо дэлхийд алдартай. Хятадад очоод үндэснийх нь олон төрлийн хоолны дээжийг амсаж үзэлгүй буцах хүн гэж үгүй. БНХАУ-ын нийслэл Бээжин хотыг зорин очсон хүмүүсийн очих дуртай газрын нэг нь “21st block” гудамжны хоолны газар юм. Бээжин хотын Чаоян /Chaoyang/ дүүрэг дэх “Hopson one” худалдааны төвд байрладаг энэ гудамжны хоолны газар байшин дотор байрладгаараа, хамгийн том талбай эзлэн оршдог гэдгээрээ алдартай. Энэхүү хоолны гудамжнаас хийсэн сонирхолтой сурвалжилгыг хүргэж байна.
