Туркт болсон газар хөдлөлтийн улмаас нурсан барилгуудын барилгын ажилтай холбогдуулан 113 хүнийг баривчлах тушаал гарсан талаар Туркийн албаны хүмүүс мэдэгдлээ. Туркийн цагдаа нар барилгын гүйцэтгэгчдийг оролцуулаад 12 хүнийг одоогоор баривчилсан байна.
Иргэдийн зүгээс барилгын чанартай холбоотой гомдол их байгаа бөгөөд чанаргүй барилгын эздэд хатуухан хариуцлага тооцохыг шаардаж байна.
Туркийн олон шинэ барилгууд авлига, засгийн газрын бодлогоос болж чанар муутай, газар хөдлөлтөд тэсвэргүй, эрсдэлтэй байгааг олон жилийн турш шинжээчид анхааруулсаар иржээ. Засгийн газар барилгын эрчимтэй өсөлтийг дэмжихийн тулд барилгын дүрэм журмыг зөрчиж буй гүйцэтгэгчид өршөөнгүй хандсан, тэр дундаа газар хөдлөлтөд өртөмтгий бүс нутгуудад хүртэл ийм бодлогоо барьсан нь өнөөдрийн ийм байдалд хүргэсэн байна.
Турк, Сирид газар хөдлөлтийн улмаас нас барсан хүний тоо 34 мянга гаруйд хүрчээ.
