Монгол Улсын Засгийн Газрын 2022 оны 12 дугаар сарын 14-ний өдрийн 466 дугаар тогтоолоор “Экспортод гаргах нүүрсний нээлттэй цахим арилжааны журам”-ыг баталсан. Нүүрсийг биржээр арилждаг болсноор нүүрсний хулгай цэгцэрч, олон нийтийн хяналт сайжрах юм.
Энэ тогтоолын хэрэгжилтийг ханган ажиллах хүрээнд “Эрдэнэс Тавантолгой” ХК болон Монголын хөрөнгийн биржээс нүүрсний цахим арилжааг зохион байгуулахтай холбоотой сургалтыг 2023 оны 2 дугаар сарын 1-ний өдөр цахимаар зохион байгууллаа. “Эрдэнэс Тавантолгой” ХК-ийн Бүрэн эрхт төлөөлөгчийн мэдэгдсэнээр нүүрсний биржийн арилжаанд оролцохоор БНХАУ-ын 55 аж ахуйн нэгж саналаа ирүүлээд байгаа ажээ.
