Умайн хүзүүний хорт хавдар үүсгэгч папилома вирусийн эсрэг вакциныг ХӨСҮТ дээр хийж эхлээд байгаа. Вакцинд 9-13 насны охидыг, мөн хөвгүүдээ ч хамруулах боломжтой бөгөөд дархлаажуулалтад хамрагдах хүсэлтэй иргэд ХӨСҮТ-ийн сайн дурын дархлаажуулалтын кабинетед очин вакцин хийлгэх боломжтой юм.
Нэг тун вакцин 20 мянган төрөгийн үнэтэй хийгдэж байгаа бөгөөд г,адны орнуудад ийм вакцин 200-300ам.долларын өртөгтэй байдаг байна. Манай орны хувьд харьцангуй хямд хийж байгаа ч вакцинд хамрагдах иргэдийн тоо тийм ч хангалттай биш байгаа тул вакциндаа идэвхитэй хамрагдахыг мэргэжилтнүүд зөвлөлөө.
Мөн насанд хүрсэн эмэгтэйчүүд бэлгийн хүний папиллома вирусний халдвартай эсэхээ шинжилгээ өгч мэдсэний дараа вакцинд хамрагдах боломжтой юм байна. ХСҮТ-д жилд 150 орчим эмэгтэй умайн хүзүүний урьдал өвчин, хавдраар умайн хүзүүг тайрах мэс засалд ордогийн 50 орчим хувь нь 30-аас доош насныхан байдаг ажээ.
