Умайн хүзүүний хорт хавдраас сэргийлэх вакины тухай ташаа ойлголт зарим хүнд байдаг. Тэгвэл “Хавдрын үндэсний зөвлөл” төрийн бус байгууллагаас 2012 онд вакцин хийлгэсэн охидод вакцин хийлгэснээс хойш таван жилийн дараах үр дүнг 2017 онд судалсан байдаг.
Манай улсад хавдар үүсгэх өндөр эрсдэлтэй ХПВ-ийн хэв шинжийн тархалт 39.5 хувь буюу маш өндөр. Дэлхийн дундаж үзүүлэлтээр хүн амын дунд тархалт 11 хувьтай байдаг. Өөрөөр хэлбэл, манай улсад энэ вирусийн тархалт маш өндөр байгаа нь олон жилийн дараа умайн хүзүүний хавдраар өвдөх эрсдэл өндөр байгааг харуулж байгаа юм. Вакцин хийхгүй тохиолдолд энэ вирусийн тархалт буурахгүй бөгөөд дараагийн 10 жилд хүний папиллома вирусээр үүсгэгддэг хавдар буурахгүй нь тодорхой юм. Хэрвээ боломж бололцоо нь байдаг бол хөвгүүддээ ч энэ вакциныг хийж, ХПВ-ээр үүсгэгддэг хавдраас урьдчилан сэргийлэх нь зүйтэй гэж мэргэжлийнхэн зөвлөж байна.
