Ипотекийн зээлийн хүү болон урьдчилгаа төлбөрийг бууруулах асуудлыг маргааш Засгийн газрын хуралдаанаар оруулж хэлэлцүүлнэ гэж Шадар сайд С.Амарсайхан мэдэгдлээ. Манай улсад нийт 110 мянган иргэн ипотекийн зээлтэй ба үүнээс 55 мянга нь 6 хувийн хүүтэйгээр зээлээ төлдөг байна. Найман хувийн хүүтэй ипотекийн зээлийг 6 хувь рүү шилжүүлэх талаар удаан хугацаанд ярьж, иргэд ч энэ талаар хүсэлтээ илэрхийлдэг ч тодорхой шийд төрөөс гаргаагүй.
Ипотекийн корпораци зээлийн хүүгийн орлогоо хэрхэн зарцуулж буй, хууль бус зарцуулалт, урьдчилгаа төлбөрийг багасгах боломжийн талаар ч хэлэлцэх юм байна.
