Ус сувгийн удирдах газрын дарга Ц.Төрхүүгийн санаачилгаар “Дусалхүү” нэртэй цэцэрлэг байгуулаад багагүй хугацаа өнгөрчээ. Байгууллагынхаа ажилтан, албан хаагчдынхаа ар гэр, нийгмийн асуудал, эрүүл мэндэд онцгой анхаарал тавьдаг.
Байгууллагынхаа дэргэд “Дусалхүү” цэцэрлэг байгуулснаар УСУГ-ын ажилтан ээж, аавууд ажлаа сэтгэл амар хийх боломж бүрдүүлж өгчээ. Үүнээс гадна ажилтан албан хаагчдынхаа эрүүл мэндийг дэмжиж амралт чөлөөт цагаар нь хамт олноороо халуун дулаан эерэг уур амьсгал дүүрэн өнгөрүүлэх боломжтой байгууллагын амралтын газар нээж, тохижуулж өгчээ.
Тухайн байгууллагын хамгийн том баялаг нь албан хаагчид байдаг билээ. Ажилтан хэдий чинээ сэтгэл ханамж дүүрэн байна ажил төдий чинээ үр бүтээлтэй, үр дүнтэй урагшилдаг. 2019 онд үүдээ нээсэн “Дусалхүү” цэцэрлэг энэ долоо хоногт анхны төгсөлтөө хийжээ. 
