Дэлхийн хамгийн баян хүний нэг, Тесла компанийн захирал Элон Маск “Твиттер”-ийн эзэн болох нь ээ. Тэрээр даваа гарагт 44 тэрбум орчим доллараар твиттерийг худалдан авахаар тохиролцоонд хүрсэн бөгөөд твиттерийг үзэл бодлын чөлөөт индэр хэвээр байлгана хэмээн хэлсэн байна.
Үг хэлэх эрх чөлөө бол ардчиллын үндэс, твиттер бол хүн төрөлхтний ирээдүйд нэн чухал асуудлуудыг хэлэлцдэг дижитал хотын талбар гэж тэрээр онцолжээ. ” Мөн энэ сүлжээнд засварлах товчлуур нэмэх, их хэмжээний хүсээгүй жиргээ илгээдэг “спам роботуудыг”хорих гэх мэт хэрэглэгчдэд хэрэгтэй өөрчлөлтүүд хийх хэрэгтэй гэж үзэж буйгаа илэрхийлсэн байна.
Твиттерийг өдөр бүр 200 сая гаруй хүний ашигладаг байна.
