Засгийн газрын 2020 оны 130 дугаар тогтоолоор батлагдсан “Сүү боловсруулах үйлдвэр, цехэд техникийн зохицуулалтын шаардлагад нийцсэн малын түүхий сүү бэлтгэн нийлүүлсэн малчин, эрчимжсэн мал аж ахуй эрхлэгчдэд мөнгөн урамшуулал олгох журам”-ын дагуу 2022 оны нэг, хоёр, гуравдугаар сарын сүүний урамшууллыг олгожээ.
Сүү боловсруулах үйлдвэр, цехэд 2022 оны
- Нэгдүгээр сард 2.1 сая литр,
- Хоёрдугаар сард 2.2 сая литр,
- Гуравдугаар сард 2.8 сая литр нийт 7.1 сая литр үнээний шингэн сүү бэлтгэн нийлүүлсэн байна.
Улмаар 5,527 малчин, эрчимжсэн мал аж ахуй эрхлэгчдэд олгох 3.6 тэрбум төгрөгийн мөнгөн урамшууллыг малчид, эрчимжсэн аж ахуй эрхлэгчдийн дансанд шилжүүлжээ.
