Монголын улстөрчдийг гадаадад захиалгаар бичүүлдэг дотоодын технологи хэнийх вэ гэдгийг олон нийт хэдийнээ мэддэг болчихсон. Сонгууль дөхөөд ирэхээр гадны хэвлэл, шүүхээр шалгагдаж байна гэх хар пиар хуучирсан, бохир технологийг явуулдаг. Ерөнхийлөгч Х.Баттулга, түүний АН-аас АНУ-ын лобби компанитай гэрээ байгуулж олон улсын гадны хэвлэлүүдэд төлбөрт мэдээлэл тавиулах, төлбөрийг нь гэрээлэгч тал хариуцна гэж заасан заалт байсан.
Монголоо дэлхийгээр нэг гутаан харлуулахад гадны хэвлэлд төлсөн мөнгө хаанаас гарч байгаа вэ. ЕТГ төлөөлнө гэсэн байгаа нь татвар төлөгчдийн мөнгийг зарцуулж байгаа юм биш биз гэж харагдахаар байна. Ерөнхийлөгч Х.Баттулга нь хувь өөрийн эрх ашгийн төлөө бүхэл бүтэн улсаа гадны улсуудад гутаан доромжлох, нэр бүхий улстөрчдийг гүтгэн харлуулах ажлыг хийж байгаа нь DCI лобби компанитай хийсэн гэрээгээр тодорхой харагдана. Ерөнхийлөгчийн сонгуульд зориулж АНУ-ын лобби компанитай гэрээлсэн нь Монгол Улсын хууль тогтоомжийг зөрчиж байгаа юм.
Тухайлбал, Сонгуулийн тухай хуулинд ОУ-ын байгууллагатай гэрээ хийхийг хориглосон байдаг. Ардчилсан нам Ерөнхийлөгчийн сонгуульд зориулж ард түмний тархийг угаахын тулд асар их мөнгөн дүн бүхий гэрээг лобби компанитай байгуулж, захиалгатайгаар гадны хэвлэлд цацсан нь улс төрийн хувьд ч тэр Монгол Улсын дотоод хэрэгт оролцож байгаа хэрэг болж байна. Иймд О.Цогтгэрэл даргатай АН-д, Ерөнхийлөгч Х.Баттулгатай хариуцлага тооцох тухай яригдаж эхлэх бололтой.
Х.ДОРЖ
