АНУ-ын Үндэсний сагсан бөмбөгийн холбооны аварга Коби Брайант охины хамт нисдэг тэргээр зорчиж яваад нас барсан гэнэтийн харамсалтай хэрэг болсноос хойш зургаан сарын хугацаа өнгөрөөд байна. Тэгвэл ослын шалтгааныг АНУ-ын Үндэсний тээврийн аюулгүй байдлын газрын шинжээчид гаргажээ. Шинжээчид манантай байсны улмаас нисгэгч жолоодлогоо алдсан нь осол гарах болсон шалтгаан байж магадгүй юм гэж үзсэн байна.
Үзэгдэх орчин хязгаарлагдмал нөхцөлд онгоцны хошуу өргөгдөж, хурдаа авах эргэлтийн маневрыг тооцохдоо алдаа гаргасан байж болзошгүй гэж дүгнэжээ. Гэхдээ Үндэсний тээврийн аюулгүй байдлын газраас гаргасан 1700 хуудас бүхий тайланд ослын шалтгааныг нарийн дурдаагүй байна. Мөрдөн шалгалтын эцсийн дүнг дараа мэдээлнэ гэж албаны хүмүүс мэдэгдсэн талаар Associated press агентлаг мэдээлэв.
