Ерөнхийлөгч асан Ц.Элбэгдорж маргаашийн тусгай үүргийн нислэгээр ирэхээр болсон талаар хэвлэлүүд мэдээлсэн. Мөн түүнийг онгоцноос буунгуут нь тусгаарлахгүйгээр хууль хяналтын байгууллагаас саатуулан Төв аймгийн цагдан хорих төвд тусгаарлан шалгах шийдвэр гаргасан гэж мэдээлж буй. Тэгвэл экс Ерөнхийлөгч твиттерээрээ энэ талаар жиргэж санаа бодлоо илэрхийлжээ. Тэрээр “Сайн байцгаана уу. Нутгийн зүг хөлгийн эолооо залахад бэлэн болж байна. Улаанбаатараас Токиод МИАТ-ын онгоц буух сайхан мэдээ сонслоо. Эх нутагтаа очих сургаар над руу ирэх дайралт ширүүсч байна. Гүтгэлэг дайралт, муу хэл ам намайг луам хурцалж, надад эрч хүч нэмдэг юм. Монголын төлөө сонголтоо хийх цаг болж гэж жиргэжээ. Мөн цааш нь Ерөнхийлөгч Х.Баттулгыг Монголд хамгийн хор уршигтай хүн гэж тодорхойлоод түүнийг дараагийн Ерөнхийлөгчийн сонгуульд нэр дэвшвэл халз өрсөлдөнө гэдгээ дуулгалаа.
-“Намайг очих мэдээг албаны шугамаар авсан нэгэн их цочин сандарчээ. Ирүүлэхгүй араас нь гүтгэчихээд сууж байх төлөвлөгөө нь нурж” Чамайг тэнд хорино” гэж хүртэл бичүүлж сэвж, айлгах гэж үзлээ. Ингэвэл ирэхээ больчих байх гэж тооцсон бололтой. Би үүнийг хараад юу бодсоноо хэлчихэе. Хэрэв Халтмаагийн Баттулга Ерөнхийлөгч дараагийн сонгуульд нэр дэвшвэл би түүнтэй өрсөлдөх болно гэдгээ үүгээр зарлаж байна. Учир нь Х.Баттулга Монголын ард түмний язгуур эрх чөлөө, хууль ёсонд хамгийн хор уршиг бүхий албан тушаалтан юм. Түүний харь барьцаанаас Монол төрийг аврах чөлөөлөх нь Монголоо гэсэн хүн бүрийн нэн тэргүүний зорилт. Намайг Баттулга махны машинаараа хэчнээн далайлгаж дарамтлах , яллах гэж оролдлоо ч Монгол Улсын хууль, эрх ашгийг зөрчсөн үйлдэл надаас нэг ширхэг ч олж чадахгүй, надад тийм зүйл байхгүй. Төрийнхөө хуулийг хүндэтгэж хар цагаанаа шударгаар ялгуулах нь миний хувьд нэр төр, бахархал байх болно. Эх орон эрх чөлөө хоёроо бүтэн байгаа цагт сонгууль, талцал руу эргэж буцахгүй гэж би өөрөө хатуу шийдсэн байсан юм. Гэхдээ хоргоож боргоогоод хандсан зүгт алхуулахгүй бол тулгарах ямар ч бэрхшээл сорилтоос надад хойш суух шалтгаан байхгүй. Монголын ард түмний язгуур эрх ашиг, ардпчилсан эрх чөлөөт сонголтын хувь заяа ард иргэдийн маань эрх эрх чөлөөт байдал миний эрхэм дээд дуудлага, зорилт байсаар байх болно” гэжээ.
