Беларусын Ерөнхийлөгч Александр Лукашенко коронавирусний халдвартай тэмцэхийн тулд хоккей тоглох, архи уух, уламжлалт саундаа орохыг ард иргэддээ зөвлөсөн нь олон нийтийг гайхашруулаад байна. 9,5 сая хүнтэй Беларус улсад коронавирусний 94 тохиолдол бүртгэгдээд байгаа бөгөөд одоогоор олон нийтийн арга хэмжээ зохион байгуулахыг хориогүй байгаа юм. Тэрээр өнгөрсөн бямба гарагт хоккейн тэмцээнд оролцох үеэрээ
“Энэ бол хөргөгч л гэсэн үг. Энд эрүүл байж болно. Спортоос илүү дархлааг дэмжих эм гэж байхгүй ” гэж сурвалжлагч нарт ярилцлага өгсөн байна. Мөн Covid 19 вирус +60 хэмд тэсвэргүй гэж мэргэжилтнүүд надад хэлсэн. Иймээс уламжлалт саундаа суу. Гар ариутгагч байхгүй бол оронд нь архи ууж вирусийг устга гэж зөвлөсөн талаар CNN агентлаг мэдээлжээ.
Covid 19 вирус нь өндөр хэмд тэсвэргүй эсэх талаар шинжлэх ухааны ямар нэгэн судалгаа одоогоор хийгдээгүй байгаа юм.
