Энэтхэг улс коронавирусний халдварыг тархаахгүйн тулд 21 хоногийн хөл хорио тогтоож иргэдээ гэрээс гарахыг хатуу хориглосноос хойш 6 дахь өдөртэйгээ золгоод байна. Тус улсын Ерөнхий сайд Нарендра Моди твиттерээрээ дамжуулан коронавирусний халдвараас сэргийлсэн хатуу хөл хорионыхоо төлөө ард иргэдээсээ уучлал хүсчээ. Тэрээр ард иргэдийнхээ амьдралд хүнд байдал үүсгэсэндээ, ялангуяа ядуу хүмүүст тун хэцүү нөхцөл байдал үүссэнд уучлал хүсэв.
“Хүмүүс надад уурлаж байгааг би мэдэж байгаа. Гэхдээ коронавирусний халдвартай тэмцэж, 1.3 тэрбум иргэнээ аюулт өвчнөөс хамгаалахын тулд эдгээр хатуу арга хэмжээг авахаас өөр аргагүй байлаа” гэжээ.
Тус улсад 1000 хүн уг өвчний халдвар аваад байгаа юм.
